२७ असार, काठमाडाैँ ।
अवैध रुपमा मृगौला प्रत्यारोपण गरेका अभियोगमा भरतपुर मेडिकल कलेजका चार जना डाक्टरलाई प्रहरीले पक्राउ गरेको छ ।
पक्राउ पर्नेमा डाक्टरहरु राकेश बर्मा, सुप्रभात श्रेष्ठ, बालकृष्ण कालाखेती लगायतका छन् । जिल्ला प्रशासन कार्यालयका एक अधिकारीलाई पनि पक्राउ गरिएको जनाईएको छ ।
मानव बेचबिखन अनुसन्धान ब्युरोबाट गएको टोलीले उनीहरुलाई पक्राउ गरेको हो । सो कलेजले एक जना नेपाली नागरिकलाई भारतीय बनाएर मृगौला प्रत्यारोपण गरेको स्रोतले जनाएको छ। सो मुद्दामा उनीहरु सम्लग्न भएपछि पक्राउ गरिएको प्रहरीको दाबी छ।
पक्राउ परेका उनीहरुलाई काठमाडौं ल्याइँदैछ । यस विषयमा ब्युरोले आइतबार पत्रकार सम्मेलनमार्फत जानकारी दिने तयारी गरेको छ।
