१ साउन, बाँके । भारतीय सीमावर्ती क्षेत्रबाट बुधबार नरैनापुर हुँदै बाँके प्रवेश गरेको सलह किरा बिहीबार पनि जिल्लाका विभिन्न भागमा घुमिरहेको छ ।
नरैनापुरबाट डुडुवा गाउँपालिका, नेपालगञ्ज उपमहानगरपालिका, जानकी गाउँपालिका हुँदै सलहको हुल बिहीबार दिउँसो खजुरा गाउँपालिकाबाट उत्तर–पश्चिमतर्फ लागेकोमा बैजनाथबाट फेरि दक्षिणतर्फ फर्किएको छ । सलहले बालीनालीमा क्षति पु¥याएको किसानले गुनासो गरिरहेका छन् ।
सलहले तरकारीबाली, मकै, आँप, बदाम, धान, दलहनबाली लगायतमा क्षति पु¥याएको छ । किसानहरुले बारीमा पुगेर थाल ठटाएर भगाएका कारण कम क्षति भएको छ ।
कृषि ज्ञान केन्द्र नेपालगञ्जका प्रमुख सागर ढकालका अनुसार बाँकेमा देखिएको सलहको झुण्ड मध्यम र क्षति गराउन सक्ने खालको हो । कृषि ज्ञान केन्द्रको टोलीले सलहको निगरानी गरिरहेको छ ।
