२८ साउन, सुनसरी ।
वैदेशिक रोजगारीका लागि गएका नेपालीहरु मध्ये केहीले विभिन्न कारणले कर्मभूमिमा नै ज्यान गुमाउदै आएका छन् । यो सख्या पछिल्लो समय झनै बढ्दो छ । गत मार्च महिनादेखि यता ५ महिनाको अबधिमा रोजगारीमा सयुत्त अरब इमिरेट्स युएइ गएका एक सय १० नेपालीको मृत्यु भएको छ ।
नेपाली राजदूतावास युएईले दिएको जानकारी अनुसार कोरोना कहर सुरु भएदेखि हालसम्म त्यति नेपालीको ज्यान गएको हो ।ज्यान गुमाउनुको कारण कोरोना संक्रमण ,प्राकृतिक मृत्यु , आत्महत्या , दुर्घटना र हत्या रहेको समेत दूतावासले एक बिज्ञप्ति मार्फत खुलाएको छ ।
कोरोनाका कारण लामो समय हवाइ उडान बन्दभएको कारणले ६९ वटा शब नेपाल नै नल्याई युएईमै दाहसंस्कार गरिएको दूतावासले बताएको छ । यस्तै २६ वटा शव मात्र नेपाल ल्याइएको र ४ वटा शब नेपाल ल्याउने प्रक्रियामा रहेको समेत बताएको छ ।
त्यसैगरी सरकारको चार्टर्ड उडान मार्फत ८२ वटा उडानमा १३ हजार ७ सय ८५ जना नेपाली युएईबाट नेपाल फर्किएका छन् । दूतावासले नेपाल आउनै पर्ने नेपालीको दर्ता गर्न गरेको अनुरोधमा ४८ हजार नेपालीले नेपाल फर्काइ दिन आफ्नो नाम दर्ता गरेको पनि दूतावासले जानकारी दिएको छ ।
