योगेन्द्र योगी
२ भदौ, दोहा । सरकारले भदौ १ गते देखि उद्दार उडान गर्ने भएर तय भएको उडान रोकिएको छ । खाडीस्थित नेपाली दूतावासहरुले सोमबार साझ बिज्ञप्ति जारी गर्दै उडान रोकिएकोमा दूतावासहरले माफी पनि मागेका ेछ ।
खासगरी कतार, कुवेत र साउदीबाट हुने हुनेभनिएको उद्दार स्थागित भएको भन्दै दूतावासहरुले नेपाल सरकार कोभिड(१९ संकट व्यवस्थापन संचालन केन्द्रको पत्रबमोजिम अर्को सूचना जारी नभएसम्मका लागि स्थगित गरिएको व्यहोरा दूतावासको फेसबुक पेजमार्फत राखेको हो ।
दूतावासहरुका अनुसार काठमाडौंका होटलमा बस्नुपर्ने तर होटलको व्यावस्थापन तयार भईनसकेको लगायत कारण देखाउँदै उडानहरु स्थगित गरेको जनाएका छन् । कति पय उडानहरु सोमबारकै लागि तय भएका कारण कोहि नेपाली आफ्नो लकेज तयार गर्दै थिए भने कोहिले तयारी गरिसकेका थिए तर एकाएक उडान स्थगित भएको सूचना बाहिरिएपछि उनीहरु अलमलमा परेका छन् ।
यस्तै सोमबार राती कतारबाट हुने उडानको तयारी गरेका नाम नबताउने एक नेपालीले भने ’म आफ्नो सामान तयारी गर्दै थिए केहि साथीहरुले भन्दै थिए उडान स्थागित भयो भनेर तर पत्याउनु सकिन् र कतारस्थित नेपाली दूतावासको फेसबुक पेज खोलेर हेरे उडान अर्को सूचना जारी नभए सम्मको लागि स्थगित भएको भनेर लेखिएको रहेछ’।
यस्तै, नेपाल दूतावास कतारले निकालेको स्वदेश फर्किने लिस्टम नाम आएपछि खुशी भएको मोरङका दुर्गा प्रसाद कोइराला पनि अब उडान उने भयो अब घर फर्किन पाउने भए भएर ढुक्क भएको तर उडान स्थगित भएपछि आफू निकै दुखि बनेको बताउछन् ।
यता, साउदीबाट सुमन नेपाल भन्छन् स् ’विगत ६ महिनादेखि म लगायत ४५ जना छौ सोमबारबाट सुरु गर्ने भनिएको उद्दार उडान स्थागित आफूहरु मानसिक तनाव रहेका छौ न यहाँ खानलाई पैसा छ’ । उडान स्थागित भएपछि दूतावासहरुले फेसबुक पेजमार्फत जारी गरेको सूचनामा आक्रोसित हुदै प्रवासी नेपालीहरुले गालीको वर्षासंगै आफ्नो दुखेसो पोखेका छन् ।
यता, यूएईबाट हुने भनिएको नेपाल एयरलाईन्सको उद्दार उडान अन्तिम समयमा आएर स्थगित भएको जनाएको छ । उडान एस्थगित उड्नका लागि दुबई विमानस्थल कयौं नेपाल यात्रुहरु अलपत्र परेका छन् ।
उडान अचानक रद्द भएपछि अबुधाबीबाट विमानस्थल पुगेका समस्यामा परेका १४ जना यात्रुहरुलाई एनआरएनए युएईले सहयोग गरेको उपाध्यक्ष पासांङ् शेर्पाले सामाजिक संजालमा मार्फत जानकारी दिएका छन् । पिडितहरुलाई लिन यूएई पुगेको जहाज रित्तै फर्किएको छ
