६ भदौ, एजेन्सी ।
विश्व स्वास्थ्य संगठन (डब्लुएचओ) ले कोरोना भाइरसको महामारी २ वर्षभन्दा कम समयमा नियन्त्रणमा आउने बताएको छ ।
डब्लुएचओका प्रमुख डा. टेड्रोस घेब्रेयेससले सन् १९१८ को स्पेनिस फ्लुको तुलनामा कोरोना भाइरसको महामारी चाँडै नियन्त्रणमा लिन सकिने बताए ।
उनले विश्वव्यापीकरण र पूरै विश्वबीच सम्पर्क भएका कारण कोभिड–१९ को संक्रमण विश्वमा तीब्र गतिमा पैmलिए पनि स्वास्थ्य सजगता र नियन्त्रणका उपायहरु रहेकाले यसलाई छिट्टै नियन्त्रणमा लिन सकिने बताएका छन् । विज्ञान तथा स्वास्थ्य क्षेत्रमा भएको प्रगतिका कारण पनि यसलाई स्पेनिस फ्लुको तुलनामा चाँडै नियन्त्रणमा लिन सकिने बताए।
फेब्रुअरी १९१८ देखि अप्रिल १९२० सम्मको स्पेनिस फ्लुका कारण विश्वभर २ करोड मानिसको मृत्यु भएको थियो। विश्वमा कोरोना महामारी सुरु भएको करिब ८ महिना भएको छ ।
२०१९ को डिसेम्बरबाट सुरु भएको कोरोना भाइरसको महामारीका कारण हालसम्म करिब ८ लाख मानिसको मृत्यु भइसकेको छ।
