८ भदौ, विराटनगर ।
प्रदेश १ मा आज सोमबार ६४ जना संक्रमित थपिएका छन् । थपिएकामा २४ महिला र ४० पुरुष रहेका छन् । मोरङमा २९, सुनसरीमा १९, झापामा ५, धनकुटामा २, संखुवासभामा १ र प्रदेश १ बाहिरका ८ जना रहेको छ ।
विराटनगरमा २३ जनामा संक्रमण पुष्टि भएको छ । १० महिलार १३ पुरुषको रिपोर्ट पोजेटिभ आएको छ । मोरङको सुन्दरहरैँचामा १ महिला २ पुरुष, बेलबारीमा १ महिला १ पुरुष, जहदामा १ पुरुषमा संक्रमण देखिएको छ । सुनसरीको गढीमा ३ महिला ३ पुरुष, दुहवीमा ३ पुरुष, बर्जुमा ४ महिला १ पुरुष, धरानमा २ महिला १ पुरुष, इटहरीमा १ महिलाको रिपोर्ट पोजेटिभ आएको छ । झापाको बा¥हदशीमा १ महिला ४ पुरुष, धनकुटाको धनकुटा नगरपालिकामा २ पुरुष, संखुवासभाको खाँदबारीका १ पुरुष र प्रदेश १ बाहिरका १ महिला७ पुरुषको रिपोर्ट पोजेटिभ आएको छ । प्रदेश १मा कोरोना संक्रमितको संख्या २ हजार ७ सय २३ पुगेको छ ।
प्रदेश १ मा पछिल्लो २४ घण्टामा कोरोना संक्रमणबाट तीन जनाको मृत्यु भएको छ । धरानस्थित बीपी कोइराला स्वास्थ्य विज्ञान प्रतिष्ठानमा उपचाररत सिराहाको लहानका २२ वर्षीय कोरोना संक्रमित युवकको मृत्यु भएसँगै मृतक संख्या ३ पुगेकाे हाे । यसअघि सुनसरीको धरान र विराटनगरमा १–१ पुरुषको मृत्यु भएको प्रदेश १ सामाजिक विकास मन्त्रालयले जनाएकाे छ । प्रदेश १ मा मृत्यु हुनेको संख्या १८ पुगेको छ ।
प्रदेश १ बाट आज १२ जना डिस्चार्ज भएका छन् । कोभिड १९ आईसोलेसन केन्द्र रंगेलीबाट १२ जना डिस्चार्ज भएका छन । हाल सम्म डिस्चार्ज हुनको संख्या १ हजार २ सय ८० पुगेको छ । प्रदेश १ माआज १ हजार ५ सय ५० जनाको पीसीआर परीक्षण भएको छ । मन्त्रालयको रेकर्ड अनुसार सोमबार सम्म ७८ हजार ७ सय २ जनाको पीसीआर परीक्षण भएको छ ।
