१४ भदौ, ललितपुर ।
ट्राफिक प्रहरीका पूर्वप्रहरी निरीक्षक (इन्स्पेक्टर) सीताराम हाछेथुलाई ललितपुर महानगरपालिकाले नगर प्रमुखको जिम्मेवारी दिएको छ।
ट्राफिक व्यवस्थापन गर्न सक्षम र सफल मानिएका हाछेथुलाई नगर प्रहरी र दमकललाई व्यवस्थित गर्ने जिम्मेवारीसहित महानगरले आइतबार नियुक्त गरेको हो।
नगर प्रहरीको क्षमतालाई अझैं चुस्त बनाउन उनलाई ल्याएको महानगरपालिकाका प्रमुख चिरीबाबु महर्जनले बताए। प्रमुख महर्जनले ट्राफिक प्रहरीमा उनको लामो अनुभवले ललितपुर महानगरका नगर प्रहरी अझैं दक्ष हुने र नमूना नगर प्रहरी बनाउन हाछेथुको भूमिका महत्वपूर्ण हुने विश्वास व्यक्त गरे। महर्जनले भने– ‘उहाँको कार्य क्षमता, काम गर्ने शैलीबाट जनता प्रभावित छन् । त्यसैले ल्याएका हौं।’
हाछेथु २०७५ साल मंसिर महिनामा ट्राफिक प्रहरीको सेवाबाट निवृत्त भएका हुन्। २९ वर्ष यसै क्षेत्रका बिताएका हाछेथुले नयाँ जिम्मेवारीले थप केही गर्ने ऊर्जा मिलेको बताए। हाछेथु ट्राफिक व्यवस्थापन गर्न सक्षम र सफल मानिन्छन् ।
