११ असाेज, बारा ।
पूर्वपश्चिम राजमार्ग अन्तर्गत बाराको जितपुर सिमरा-१ स्थित दुधौरामा बसले स्कुटीलाई ठक्कर दिँदा तीन जनाको मृत्यु भएको छ ।
इलाका प्रहरी कार्यलय सिमराका प्रहरी नायब उपरीक्षक दीपक श्रेष्ठ अनुसार सिन्धुलीबाट नेपालगन्जतर्फ जाँदै गरेको ना ४ ख ७२४२ नम्बरको बसले विपरित दिशाबाट जाँदै गरेको प्रदेश २-०३-००४ प ४४४२ नम्बरको स्कुटीलाई ठक्कर दिँदा श्रीमान, श्रीमती र एक वर्षीय छोराको मृत्यु भएको हाे।
दुर्घटनामा निजगढ नगरपालिका-१० बस्ने वर्ष नखुलेका तीर्थमान स्याङ्तान, उनकी पत्नी ज्योती र १ वर्षीय छोरा अहानको मृत्यु भएको उनले बताए ।
स्कुटरलाई ठक्कर दिएका बस चालक फरार छन्। उनको खोजी भइरहेको तथा शव शल्यपरीक्षणका लागि वीरगन्ज पठाइएको प्रहरीले जनाएकाे छ ।
