१३ असोज,विराटनगर ।
होटल संचालकको कुटपिटबाट उर्लाबारीमा एक ग्राहकको ज्यान भएको छ। संखुवासभा घर भई हाल उर्लाबारी ७ मा बस्दै आएका ३५ बर्षीय शुसिल मल्लिकको कुटपिटबाट मृत्यु भएको हो ।
मल्लिकलाई उर्लाबारी ७ मै होटल संचालन गरी बस्ने २६ बर्षीय गोपाल तामाङले कुटपिट गर्दा उनको मृत्यु भएको जिल्ला प्रहरी कार्यालय मोरङले जनाएको छ । गत आइतबार मल्लिक होटलमा खाजा खान गएको अवस्थामा गोपाल र उनी बीच बादविबाद हुदा गोपालले एक्कासी उनलाई कुटपिट गरी होटल वाहिर निकाल्न खोज्दा मल्लिक भुँईमा लडी वेहोस भएका थिए ।
वेहोस भएका मल्लिकलाई स्थानीय अस्पतालमा उपचार हुन नसकी भारतको सिलिगुडी लगिएकोमा उपचारका क्रममा उनको मंगलबार मृत्यु भएको प्रहरीले जनाएको छ। कुटपिट गर्ने होटल संचालक गोपाल तामाङलाई पक्राउ गरी कानुनी कारबाही अगाडि बढाईएको मोरङ प्रहरीले जनाएको छ।
