२१ आश्विन, एजेन्सी ।
अब यूएईमा कार्यरत घरेलु श्रमिकले घरमा पैसा पठाउँदा आफैं उपस्थित हुनुपर्ने भएको छ ।
घरेलु श्रमिकले घरमा पैसा पठाउँदा एक्सचेन्ज हाउसमा आफैं उपस्थित हुनुपर्ने खबर गल्फ न्युजले लेखेको छ । घरेलु श्रमिक आफैं उपस्थित हुन नसकेमा स्पोन्सर रोजगारदाताले श्रमिककोतर्फबाट पठाइदिन सक्नेछन् ।
तर रोजगारदाताले पैसा पठाइदिँदा श्रमिकसँग अनुमति लिएको पत्र एक्स्चेन्जमा देखाउनु पर्नेछ । श्रमिकले अनुमति दिएको आधिकारिक प्रमाणपत्र साथमा ल्याएमा मात्र रोजगारदाताले पैसा पठाइदिन पाउनेछन् । नत्र पाइने छैन ।
यूएईको सेन्ट्रल बैंकले यो नियम अब भने कडाइका साथ लागू गर्ने जनाएको छ ।
