१७ कात्तिक, सल्यान ।
चुरोटबाट सल्किएको आगोले सल्यानमा एक महिलाको मृत्यु गएको छ ।
जिल्लाको शारदा नगरपालिका २ मैसेपानीकी ५२ वर्षीया पार्वती खड्काको चुरोटबाट सल्किएको आगोबाट मृत्यु भएको जिल्ला प्रहरी कार्यालय सल्यानले जनाएको छ ।
आइतबार राती खाना खाएर सुत्ने समयमा चुरोट खाएर ननिभाई सुतेको र खड्का सुतेको ओछ्यान र शरीरमा आगो लाग्दा उनको ज्यान गएको जिल्ला प्रहरी कार्यालय सल्यानका प्रहरी प्रवक्ता लक्ष्मण वलीले जानकारी दिए ।
ओछ्यानमा लागेको आगोको धुवाँले महिला बेहोस भएको र त्यसपछि उनी जलेको प्रहरीको भनाई छ । मृतक महिलाका पतिको केही वर्ष अघि निधन भएको र छोराहरु वैदेशिक रोजगारीका लागि तेस्रो मुलुक रहेका छन् ।
