१६ मंसिर, काठमाडौं । बाल यौन दुराचार र शोषणको आरोपमा फ्रान्सका एक नागरिक पोखरा महानगरपालिका १७ को बरौताबाट पक्राउ परेका छन् ।
१२ वर्ष, आठ वर्ष र सात वर्षका बालकलाई यौन दुरुपयोग र शोषण गरेको आरोपमा फ्रान्सका क्रिश्चियन सेर्गई हेनरी नउगारेट पक्राउ परेका हुन् ।
उनीमाथि आवश्यक अनुसन्धान गरेर कारबाही प्रक्रिया अघि बढाउन जिल्ला प्रहरी कार्यलय कास्कीमा बुझाइएको केन्द्रीय अनुसन्धान ब्युरो सीआईबीका सूचना अधिकारी बेलबहादुर पाण्डेले जानकारी दिए । ६० वर्षका नउगारेट पेसाले कम्प्युटर इञ्जिनियर हन् ।
