२२ मंसिर, काठमाडौँ ।
नेपालमा पछिल्लो २४ घण्टामा कोरोना भाइरसको सङ्क्रमणका कारण २० जनाको मृत्यु भएको छ । योसँगै कोरोना भाइरसको सङ्क्रमणबाट मृत्यु हुनेको कुल सङ्ख्या एक हजार छ सय १४ पुगेको स्वास्थ्य तथा जनसङ्ख्या मन्त्रालयले जानकारी दिएको छ ।
देशभर आज थप एक हजार १४ जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयले दिएको जानकारी अनुसार आज थप एक हजार १४ जनामा कोरोना सङ्क्रमण पुष्टि भएको हो । योसँगै नेपालमा कोरोना सङ्क्रमितको कुल सङ्ख्या दुई लाख ४१ हजार नौ सय ९५ पुगेको छ ।
त्यस्तै देशभर आज एक हजार छ सय २८ जना कोरोना भाइरसको सङ्क्रमणबाट निको भई डिस्चार्ज भएका छन् । योसँगै कोरोना भाइरस सङ्क्रमणबाट निको भई डिस्चार्ज हुनेको कुल सङ्ख्या दुई लाख २७ हजार चार सय ३३ जना रहेको मन्त्रालयले जानकारी दिएको छ ।
