२ पुष, काठमाडौं । मन्त्रिपरिषद् बैठक सकिएको छ ।
प्रधानमन्त्री निवास बालुवाटारमा बसेको मन्त्रिपरिषद् बैठकमा अध्यादेशबारे कुनै छलफल भने नभएको जनाइएको छ । प्रधानमन्त्री केपी शर्मा ओलीले बिहीबार नै संवैधानिक परिषद्को बैठक बोलाएका थिए । तर, पार्टी अध्यक्ष पुष्पकमल दाहाल प्रचण्डसँगको एक्लाएक्लै छलफलपछि स्थगित गर्ने निष्कर्षमा पुगेका थिए । परिषद्को बैठक नबसेपछि स्थायी कमिटीको निर्णयअनुसार अध्यादेश फिर्ता लिने अपेक्षा थियो । तर, छलफल नभएपछि अध्यादेशका फिर्ता सम्बन्धमा सरकारको निर्णय के हुने भन्ने अन्यौल भएको छ ।
