२६ माघ, एजेन्सी ।
दक्षिण अफ्रिकामा कोरोना विरुद्धको खोप कार्यक्रम स्थगित गरिएको छ । पछिल्लो अध्ययनले कोरोना भाइरसको नयाँ संस्करणका लागि हाल लगाइएको अक्फोर्ड–अस्ट्राजिकिका खोप खासै प्रभावकारी नभएको नतिजा देखाएपछि खोप कार्यक्रम स्थगित गरिएको हो ।
दक्षिण अफ्रिकामा नयाँ प्रकारको कोरोना भाइरसका संक्रमितहरु ९० प्रतिशत फेला परेका छन् । दुई हजार जनामा गरिएको अध्ययनले कोरोना खोपले सामान्य र मध्यम खालका संक्रमितलाई थोरै मात्रै सुरक्षा प्रदान गर्ने देखिएको छ ।
दक्षिण अफ्रिकाले अस्ट्राजिनिकाको १० लाख डोज खोप लगाइसकेको छ । अर्को सातादेखि पुन खोप कार्यक्रम संचालन गर्ने कार्य तालिका थियो ।
अध्ययनको नतिजाकै कारण दक्षिण अफ्रिकामा खोप कार्यक्रम तत्काललाई स्थगित गरिएको छ र थप अध्ययनको नतिजा हेरेर अघि बढ्ने बताइएको छ ।
