२९ फागुन, विराटनगर । विराटनगरस्थित नोबेल मेडिकल कलेज रुटमा कुद्ने अटो रिक्सामा अनलाइनबाटै भुक्तानी गर्न मिल्ने भएको छ ।
एनसीसी बैकले अटो चालकलाई क्युआर कोड उपलब्ध गराएपछि अनलाइनबाटै भुक्तानी गर्न मिल्ने भएको हो । शुक्रबार राष्ट्र बैङ्कका गभर्नर महाप्रसाद अधिकारीले क्यूआर कोड हस्तान्तरण गरेका हुन् । के एन अटो यातायात प्रालिमा आबद्ध अटोमा क्युआर कोडमार्फत भुक्तानी हुनेछ । नगदरहित कारोबार सुरु भएको बताउँदै उनले नोट कम चलाएर डिजिटल कारोबार गर्न आग्रहसमेत गरे । साथै उनले अटो चढी नोबेल अस्पताल परिक्रमा गरि कोड मार्फत मार्फत भुत्तानी गरे । आगामी दिनमा समाजलाई नगदरहित बनाउन सम्पुर्णको सहयोग आवस्यकता रहेको समेत गभर्नरले उल्लेख गरेका छन । अधिकारीले नगद अधिकांश विकृतिको जड भएको र भ्रष्टाचारको कारक पनि भएकाले नगद रहित समाज बनाउने सरकारको तयारी रहेको बताए । कार्यक्रममा एनसीसी बैंकका प्रमुख कार्यकारी अधिकृत रमेशराज अर्याल, बैंकका प्रदेश कार्यालयका प्रमुख दुर्गाप्रसाद घिमिरे लगायतले क्युआरकोर्ड बितरण अभियानलाई निरन्तर सञ्चालन गर्दै डिजिटल नेपाल बनाउने सरकारको अभियानलाई सघाउने प्रतिबद्धता व्यक्त गरेका थिए ।
