३० जेष्ठ, एजेन्सी ।
बेलायतमा दुई व्यक्तिमा मंकिपक्स भाइरसको संक्रमण पुष्टि भएको छ ।
यो एउटा दुर्लभ भाइरस हो । बेलायतको वेल्समा मंकिपक्सका दुई संक्रमित भेटिएको विश्व स्वास्थ्य संगठनले जनाएको छ । वैज्ञानिकहरूका अनुसार यो भाइरस प्राय अफ्रिकामा पाइन्छ ।
यो भाइरसबाट संक्रमित भएका दुई जना लामो समययता घरभित्र बस्ने गरेका थिए । त्यसैले मानिसहरूमा त्रास बढेको छ । मंकिपक्सका दुवै संक्रमितलाई अस्पतालमा भर्ना गरिएको थियो ।
तीमध्ये एक जना डिस्चार्ज भएका छन् भने अर्का एकको उपचार जारी छ । पब्लिक हेल्थ इंग्ल्याण्डले यो भाइरसको संक्रमणबारे अध्ययन थालेको छ । पब्लिक हेल्थ वेल्सका सल्लाहकार रिचर्ड फर्थका अनुसार बेलायतमा मंकिपक्सको संक्रमण दुर्लभ हो ।
यद्यपि, यो भाइरसबाट मान्छेलाई जोखिम निकै कम हुन्छ । पछिल्लो संक्रमणको संकेत र सम्भावनाहरूबारे अध्ययन थालिएको उनले बताए । विशेषज्ञहरूका अनुसार यो भाइरसका पश्चिमी अफ्रिकी र मध्य अफ्रिकी गरि दुई प्रजाति छन् ।
यो बढीजसो मध्य र पश्चिम अफ्रिकी देशको दूरदराजमा मात्रै पाइने गरेको छ । मंकिपक्स भाइरस धेरै घातक हुँदैन । संक्रमणको सम्भावना पनि निकै कम हुने विशेषज्ञहरू बताउँछन् ।
मंकिपक्सको संक्रमण हुँदा सुरुमा ज्वरो आउने, टाउ, कमर, मांसपेशी दुख्ने हुन्छ । मंकिपक्स भाइरस १४ देखि २१ दिनसम्म रहन्छ ।
