२ असार, काठमाडौं ।
सिन्धुपाल्चोकमा मंगलबार साँझ गएको बाढी र पहिरोले हेलम्बु, मेलम्ची बजारसहित इन्द्रावती नदीको किनारमा रहेका बस्तीमा ठुलो क्षति पुर्याएको छ ।
नेपाली सेनाको हेलिकप्टर परिचालन गरी उद्धार भैरहेको सिन्धुपाल्चोकका प्रमुख जिल्ला अधिकारी अरूण पोखरेलले बताए ।
यसैबीच, सभामुख अग्निप्रसाद सापकोटा स्थलगत अनुगमनका लागि सो क्षेत्रमा जादैँछन् । उनी स्थलमार्ग हुँदै सिन्धुपाल्चोक जान लागेको सभामुखको निजी सचिवालयले जनाएको छ ।
स्वास्थ्यमन्त्री शेरबहादुर तामाङ पनि सिन्धुपाल्चोक जाँदैछन् ।
सभामुख सापकोटा र मन्त्री सापकोटा दुवैको गृहजिल्ला सिन्धुपाल्चोक हो। बाढी प्रभावित क्षेत्र तामाङको निर्वाचन क्षेत्रसमेत हो ।
