३० साउन, काठमाडौँ ।
भारतले नेपालविरुद्ध खेल्न लागेको मैत्रीपूर्ण फुटबलमा भारतीय फुटबल टोलीका कप्तान नखेल्ने भएका छन् । कप्तान सुनिल क्षेत्रीलाई आसन्न साफ च्याम्प्यिनसिप र एसिया कप छनोट चरणको खेलाका लागि तयारी गर्न भनी भारतले आराम दिएको छ ।
आउँदो सेप्टेम्बर २ र ५ तारिखमा काठमाडौँस्थित दशरथ रंगशालामा भारले नेपालविरुद्धको मैत्रीपूर्ण खेल खेल्ने तय भएको छ । नेपाल विरुद्धको खेलका लागि भारतका प्रमुख प्रशिक्षक इगोर स्टिम्याकले शुक्रबार २३ सदस्यीय टिम घोषणा गरेका छन् । तर उक्त खेलका भारतले घोषणा गरेको टिममा कप्तान सुनिललाई समावेश नगरी आराममा राखिएको बताइएको छ ।
साफ च्याम्पियनसिपको तयारीका लागि नेपाल र भारतबीच उक्त मैत्रीपूर्ण खेल हुने भएको हो ।
