३२ साउन, झापा ।
झापाकाे बाह्रदर्शी गाउँपालिका-७ सिमल चौकस्थित भित्री सडक खण्डमा कारको ठक्करबाट स्कुटीमा पछाडी सवार एक जनाको मृत्यु भएको छ । मृत्यु हुनेमा धनुषाकाे गणेशमान चारनाथ नगरपालिका घर भई हाल कंकाईमाई नगरपालिका-८ डेरा गरी बस्ने ३२ बर्षीया सरस्वती मगर रहेकी छन् ।
आइतबार राती साढे १० बजे उत्तर जाँदै गरेको प्रदेश-१ -०१-०१२ प १९४२ नम्बरको स्कुटीलाई प्रदेश १-०१-००१ च ७२७७ नम्बरको कारले पछाडीबाट ठक्कर दिँदा स्कुटी चालक बाह्रदर्शी गाऊपालिका-७ की २८ बर्षीया प्रमिता कार्की र पछाडी सवार सरस्वती घाईते भएका थिए । उनीहरुकाे उपचारको लागी बीएण्डसी अस्पतालमा पुर्याउन साथ सरस्वतीको मृत्यु भएको छ भने कार्कीको उपचार भईरहेको प्रहरीले जनाएकाे छ ।
दुर्घटना गराउने कार र चालक ईलामकाे जोगमाई-२ का २४ बर्षीय जंग बहादुर बस्नेत ईलाका प्रहरी कार्यालय अनारमनीको नियन्त्रणमा रहेको जिल्ला प्रहरी कार्यालय झापाले जनाएकाे छ।
