२१ भदाै, काठमाडौं ।
जेलभित्र रहेका कैदीबन्दीले सामान किनमेल गर्ने पसलमा मूल्य बढी लिएको विषय लाई लिएर ललितपुरको नख्खु कारागारमा झडप भएकाे छ ।आईतबार कैदीबन्दी र कारागारका नाइकेबीच झडप भएको हाे ।
समानको मूल्य बढी लिएको भन्दै कैदीबन्दीले प्रदर्शन गर्दा झडपको स्थिति बनेको हो । सो क्रममा कैदीबन्दी र कारागारका नाइके पक्षबीच सुरुमा विवाद भएको थियो । त्यसपछि कुटाकुट नै भएको थियो ।
कारागार व्यवस्थापन विभागका महानिर्देशक जनकराज दाहालले प्रमुख जिल्ला अधिकारीसहित कारागार व्यवस्थापन पक्षबीचमा आइतबार साँझ नै सो विषयमा सहमति भइसकेको बताए ।
असन्तुष्ट रहेका कैदीबन्दीले भने आफ्ना मागसहितको ज्ञापनपत्र कारागार प्रशासनलाई बुझाएका छन् ।
