२९ भदाै, काठमाडौं ।
आइसिसी विश्वकप लिग–२ त्रिकोणात्मक ओडिआई सिरिज अन्तर्गत नेपालले दोस्रो खेलमा घरेलु टोली ओमानविरुद्ध पहिला ब्याटिङ गर्ने भएको छ ।
अल अमरेत क्रिकेट मैदानमामा नेपालका कप्तान ज्ञानेन्द्र मल्लले टस जित्दै पहिला ब्याटिङ गर्ने निर्णय लिएका छन् । नेपालले आजको खेलमा टोलीमा कुनै परिवर्तन गरेको छैन । अमेरिकासँग टोलीलाई निरन्तरता दिएको छ ।
घरेलु टोली ओमान नेपालमाथि सहज जितका साथ सुरुवात गर्ने सोचमा छ । पाकिस्तानी मुलका खेलाडीको बाहुल्यता भएको ओमान बलियो टोली हो । आइसिसी विश्वकप लिग–२ को अंक तालिकामा शीर्ष स्थानमा छ । तर यस पटक ओमानलाई नेपालमाथि जित निकाल्न सहज हुने छैन ।
नेपालले पहिलो खेलमा अमेरिकालाई ५ विकेटले पराजित गर्दै सानदार सुरुवात गरेको थियो ।
नेपालको प्लेइङ ११- ज्ञानेन्द्र मल्ल (कप्तान), कुशल भुर्तेल, आसिफ शेख, रोहित कुमार पौडेल, कुशल मल्ल, सोमपाल कामी, विनोद भण्डारी (विकेटकिपर) करण केसी, विक्रम सोब, सन्दीप लामिछाने र सुशान भारी ।
