१९ असोज, काठमाडौं ।
नेकपा (एमाले)ले आज मंगलबार पनि संसद् बैठक अवरोध गर्ने भएको छ।
नवौं अधिवेशन सुरु भएदेखि नै निरन्तर संसद् अवरोध गर्दै आइरहेको एमालेको अवरोध आज पनि जारी रहने प्रतिनिधि सभा सदस्य एवं एमाले कार्यालय सचिव शेरबहादुर तामाङले बताए।
प्रतिनिधि सभाको बैठक बानेश्वरस्थित संसद् भवनमा दिउँसो १ बजेका लागि बोलाइएको छ। आजको बैठकमा प्रधानमन्त्री शेरबहादुर देउवाले ‘राष्ट्रिय दलित आयोगको वार्षिक प्रगति प्रतिवेदन, २०७६÷७७’ पेस गर्ने सम्भावित कार्यसूची रहेको छ।
प्रमुख प्रतिपक्षी दल नेकपा एमालेले सभामुखको भूमिकामाथि प्रश्न उठाउँदै नाराबाजी गर्दै आएको छ। यद्यपि, एमालेको अवरोधका बीच पनि संसद्का कारबाही भने अगाडि बढाउने गरिएको छ।
