२० असाेज, एजेन्सी ।
फेसबुकका संस्थापक मार्क जुकरबर्गले झण्डै ६ घण्टासम्म सामाजिक सञ्जाल बन्द भई फेसबुकमा उत्पन्न अवरोधका लागि माफी मागेका छन् । सोमबार फेसबुकको आन्तरिक प्राविधिक कारणले गर्दा फेसबुकसहित म्यासेन्जर, ह्वाट्सएप र इन्स्टाग्राम झण्डै ६ घण्टासम्म बन्द भएको थियो ।
अचानक उक्त अवरोध आउँदा विश्वभर ३ अर्ब ५० लाख प्रयोगकर्ता प्रभावित बनेका थिए । उक्त अवस्थाबारे विज्ञप्ति जारी गर्दै फेसबुकका मालिक जुकरबर्गले माफी मागेका हुन् ।
यस्तै उक्त अवरोधले गर्दा फेसबुकलाई ६ अर्ब डलर घाटा भएको समेत बताइएको छ । तर पछील्लो समस्याबारे फेसबुकले अध्ययन गरेको समेत जनाएको छ । ।
