८ चैत्र, विराटनगर ।
खानेपानीको महसुल नतिरेपछि मधेश प्रदेशका मुख्यमन्त्री लालबाबु राउतको घरको धाराको लाइन काटिएको छ।
पर्साको वीरगञ्ज स्थित मुख्यमन्त्री राउतको घरको खानेपानीको धाराको लाइन खानेपानी संस्थान वीरगञ्ज शाखाले काटेको हो। मुख्यमन्त्री राउतका बुवा दशरथको नाममा पानीको बिल जम्मा १ लाख ६३ हजार २१६ रुपैयाँ ९५ पैसा बक्यौता रहेको खानेपानी संस्थान वीरगञ्ज शाखाका प्रमुख इन्जिनियर निरण महर्जनले बताए।
पटक–पटक ताकेता गर्दा पनि महसुल नतिरेपछि धाराको लाइन काटेको उनले बताए। राउतको बुबा दशरथको नाममा खानेपानीका धारा ग्राहक संख्या ६७७७ आइडी नम्बर ४७० र एरिया नम्बर क,८,१३ रहेको छ। धाराको पानी महसुल १ लाख ८ हजार ८११ रुपैयाँ ३० पैसा छन्। तर समयमा बिल नतिर्दा ५४ हजार ४०५ रुपैयाँ ६५ पैसा जरिवाना समेत जोडिएको छ।
पटक–पटक बक्यौताको लागि जानकारी र कालो सूचीको सार्वजनिक सूचना निकाल्दा पनि बक्यौता नतिरेपछि फागुन २० गतेको निर्णयअनुसार लाइन काटको प्रमुख महर्जनको भनाइ छ।
