२९ भदौ , काठमाडौं ।
जापानका लागि उडेको विमानमा धुवाँ देखिएपछि आधा घण्टामै काठमाडौं फिर्ता भएको छ । जापानको नारिता उडेको विमानलाई आधा घण्टामै काठमाडौं फर्काउनु परेको हो । नेपाल एयरलाइन्सको वाइडबडी आर ए ४३३ हवाई जहाज बुधबार राति ११ बजे नारिताका लागि उडान भरेको थियो ।
तर, विमान आधा घण्टामै त्रिभुवन अन्तरराष्ट्रिय विमानस्थलमै अवतरण गराइएको थियो । त्रिभुवन विमानस्थल कार्यालयले दिएको जानकारी अनुसार जहाजको कार्गो होल यरियामा धुवाँ देखिएको थियो । त्यसपछि जहाज काठमाडौं फर्काएर यात्रु ओरालिएको हो ।
काठमाडौंबाट १८४ जना यात्रु नारिता उडेका थिए । यसैबीच कार्गो कम्पार्टमेन्टमा धुवाँ देखिएपछि उडान भरेको आधा घण्टामै काठमाडौं फर्किएको नेपाल एयरलाइन्सको वाइडबडी विमान पुनः जापानको नारिता उडेको छ। मर्मतपछि अहिले विहान १० ः २२ बजे उक्त वाइडबडी विमान पुनः नारिताको लागि उडेको नेपाल एयरलाइन्सले जनाएको छ।
बुधबार राति ११ बजे काठमाडौंबाट नारिताको लागि उडेका वाइडबडी विमान उडान भरेको आधा घण्टामै पुनः काठमाडौं फर्किएको थियो । विमानको कार्गो कम्पार्टमेन्टमा धुवाँ आएको ककपिटमा संकेत देखिएपछि काठमाडौं फर्काइएको विमानस्थल कार्यालयले पुष्टि गरेकोे छ।
काठमाडौंमा अवतरणपछि नेपाल वायुसेवा निगमले अर्को विमान नभएकाले ती यात्रुलाई सिनामंगल र ज्ञानेश्वरका दुई होटलमा राखेको थियो। विमानको कार्गो कम्पार्टमेन्टमा देखिएको समस्या राति नै प्राविधिकहरुले मर्मत गरेका थिए।
