विराटनगर २५ भदौ ।
प्रदेश नं १ को सोमवार बसेको प्रदेशसभा बैठकले एकै दिन दुई वटा विधेयक पारित गरेको छ । प्रदेश सामाजिक बिकास संस्थाको सम्बन्धमा व्यवस्था गर्न बनेको विधेक २०७५ र प्रशासकीय कार्यविधि नियमिति गर्न सम्बन्धमा व्यवस्था गर्न बनेको विधेयक ०७५ सर्वसम्वतले पारित गरेको हो ।
सामाजिक विकास मन्त्रालयले निर्माण गरेको सामाजिक बिकास संस्थाको सम्बन्धमा व्यवस्था गर्न बनेको विधेयक २०७५ प्रदेशसभा बैठकबाट पारित भएको यो पहिलो विधेयक समेत हो । विधेयकमा ३८ दफा रहेको छन । सामाजिक बिकास मन्त्री जीवन घिमिरेले प्रदेशसभा बैठकमा पेश गरेको विधेयक संसोधनका लागि विषेश समितिमा दफावार छलफलका लागि पठाइएको थियो ।
त्यसैगरी आन्तरिक मार्मिला तथा कानु्न मन्त्री हिक्मत कार्कीले प्रशासकीय कार्यविधि नियमित गर्ने सम्बन्धमा व्यवस्था गर्न बनेको विधेयक ३ वैशाखमा सदनमा पेश भएको थियो । प्रदेश सभाको बैठकबाट प्रशासकीय कार्यविधि नियमित गर्ने सम्बन्धमा व्यवस्था गर्न बनेको विधेयक पहिलो विषेश समितिमा पठाइएको थियो ।
समितिबाट प्रतिवेदन सहित प्रदेश सभा बैठकमा पेश भएको उक्त विधेयक प्रदेश सभाको ४० औ बैठकले सर्वसम्वत परित गरेको हो । प्रदेश सरकारले संघले कानुन निर्माण गरिनसकेको अबस्थामा भैपरी आउने प्राकृतिक विपत्तिको समयमा वाधा अड्काउ फुकाउन यो ऐन निर्माण गरेको हो । कानुन निर्माणको प्रकृयामा रहेको प्रदेशसभाले ४० औ बैठक सम्पन्न हुदासम्म १९ बटा विधेयक पारित गरी सकेको छ ।
