विराटनगर,असोज २३
विराटनगर महानगरपालिकाले दसैं, छठ, दिपावली लगायतका विभिन्न चाडपर्वका अवसरमा शुभकामना आदानप्रदान कार्यक्रमको आयोजना गरेको छ ।
कार्यक्रममा बोल्दै प्रदेश नम्बर १ का मुख्यमन्त्री शेरधन राईले सबैको सहमतिमा प्रदेश राजधानी र नामाकरण तोक्ने गृहकार्यले गर्दा केही ढिलाई भएको बताएका छन् ।
सबै दलको सहमतिमै प्रदेश राजधानी र नामाकरण तोक्ने गृहकार्यले गर्दा समय लागेको बताए । आपसी सहमति मै प्रदेशको राजधानी तोक्ने बताए । प्रदेश नम्बर २४ वटा विधेयक र नियामावली सहकार्य गरेर पारित गरीसकेको पनि बताए ।
कार्यक्रममा प्रदेश नम्बर १ का सभामुख प्रदीपकुमार भण्डारीले सबैलाई दशैं,तिहार र छठको शुभकामना दिए । यस्तै कार्यक्रममा बोल्दै विराटनगर महानगरपालिकाका प्रमुख भीम पराजुलीले स्थानीय सरकार प्रदेश र संघीय सरकारसँग सहकार्य गरेर अगाडि बढ्न महानगर तयार रहेको बताए ।
कार्यक्रममा प्रदेश नम्बर १ का सामाजिक विकास मन्त्री जिवन घिमिरे, प्रदेश नम्बर १ का कांग्रेस संसदीय दलका नेता राजीव कोइराला,प्रदेश सांसद, सुरक्षा निकायका प्रमुख तथा प्रतिनिधि, उद्योगी, व्यापारी लगायतका विभिन्न संघसंस्थाका व्यक्तिहरुको सहभागिता थियो ।
