४ चैत ,काठमाण्डौ ।
प्रतिनिधिसभा निर्वाचनमा दुई तिहाइ नजिकको प्रचण्ड बहुमत हासिल गरेको राष्ट्रिय स्वतन्त्र पार्टी (रास्वपा) लाई उत्तरको छिमेकी चिनियाँ कम्युनिस्ट पार्टी (सीपीसी) ले औपचारिक रुपमा बधाइ र शुभकामना व्यक्त गरेको छ । अन्तर्राष्ट्रिय सम्बन्ध विभाग प्रमुख शिशिर खनालले विज्ञप्ति जारी गर्दै चिनियाँ कम्युनिस्ट पार्टीबाट शुभकामनापत्र प्राप्त भएको जानकारी गराएका छन् ।
चिनियाँ कम्युनिस्ट पार्टीले सन्देश पत्रमार्फत रास्वपासँगको बढ्दो सम्बन्ध र सहकार्यप्रति खुसी व्यक्त गरेको र आगामी दिनमा दुई राजनीतिक शक्तिबीचको सम्बन्ध अझै प्रगाढ हुने विश्वास दिएको पनि उल्लेख छ । ‘प्राप्त पत्रमा चीन र नेपालबीचको राजनीतिक आपसी विश्वासलाई थप गहिरो बनाउँदै दुवै देश र जनताको हितका लागि ‘साझा भविष्यसहितको समुदाय’ निर्माण गर्ने संकल्प दोहो¥याइएको छ,’ रास्वपाको विज्ञप्तिमा उल्लेख छ, ‘साथै, सभापति रवि लामिछाने र वरिष्ठ नेता बालेन्द्र शाहको नेतृत्वदायी भूमिकाको प्रशंसा गर्दै, उहाँहरूको नेतृत्वमा रास्वपाले नेपाल–चीन परम्परागत मैत्रीपूर्ण सम्बन्धलाई नयाँ उचाइमा पु¥याउन महत्त्वपूर्ण योगदान दिने विश्वास समेत व्यक्त गरिएको छ ।’
चिनियाँ कम्युनिस्ट पार्टीले रास्वपासँग विभिन्न क्षेत्रमा अनुभव आदानप्रदान, आपसी सिकाइ र द्विपक्षीय सम्बन्धको स्थिर विकासका लागि सँगै काम गर्ने तत्परता देखाएको पनि विज्ञप्तिमा उल्लेख छ। यस्तै राष्ट्रिय स्वतन्त्र पार्टी (रास्वपा)ले चिनियाँ कम्युनिस्ट पार्टीले रास्वपासँगको बढ्दो सम्बन्ध र सहकार्यप्रति खुसी व्यक्त गर्दै आगामी दिनमा दुई राजनीतिक शक्तिबीचको सम्बन्ध अझ प्रगाढ हुने विश्वास दिलाएकोमा धन्यवाद ज्ञापन गरेको छ ।
रास्वपाका अन्तर्राष्ट्रिय विभाग प्रमुख शिशिर खनालले राष्ट्रिय स्वतन्त्र पार्टी, नेपालको स्वतन्त्र परराष्ट्र नीति र पञ्चशीलको सिद्धान्तमा अडिग रहँदै छिमेकीहरूसँगको सम्बन्धलाई सधैँ प्राथमिकतामा राख्दछ। चिनियाँ कम्युनिस्ट पार्टीले व्यक्त गरेको ऐक्यबद्धताका लागि धन्यवाद व्यक्त गरेका छन् ।
रास्वपालाई चिनियाँ कम्युनिष्ट पार्टीले बधाई दिएपछि खनालले विज्ञप्ति जारी गर्दै भनेका छन्, उक्त सन्देशमार्फत चिनियाँ कम्युनिस्ट पार्टीले रास्वपासँगको बढ्दो सम्बन्ध र सहकार्यप्रति खुसी व्यक्त गर्दै आगामी दिनमा दुई राजनीतिक शक्तिबीचको सम्बन्ध अझ प्रगाढ हुने विश्वास दिलाएको छ।
खनालका अनुसार पत्रमा चीन र नेपालबीचको राजनीतिक आपसी विश्वासलाई थप गहिरो बनाउँदै दुवै देश र जनताको हितका लागि “साझा भविष्यसहितको समुदाय” निर्माण गर्ने संकल्प दोहो¥याइएको छ। साथै, सभापति रवि लामिछाने र वरिष्ठ नेता बालेन्द्र शाहको नेतृत्वदायी भूमिकाको प्रशंसा गर्दै, उहाँहरूको नेतृत्वमा रास्वपाले नेपाल–चीन परम्परागत मैत्रीपूर्ण सम्बन्धलाई नयाँ उचाइमा पु¥याउन महत्त्वपूर्ण योगदान दिने विश्वास समेत व्यक्त गरिएको छ।
सीपीसीले रास्वपाका सभापति रवि लामिछाने र वरिष्ठ नेता बालेन्द्र शाहको नेतृत्वदायी भूमिकाको प्रशंसा गर्दै उनीहरूको नेतृत्वमा रास्वपाले नेपाल–चीन परम्परागत मैत्रीपूर्ण सम्बन्धलाई नयाँ उचाइमा पु¥याउन महत्त्वपूर्ण योगदान दिने विश्वास समेत व्यक्त गरेको छ । पार्टीले रास्वपासँग विभिन्न क्षेत्रमा अनुभव आदानप्रदान, आपसी सिकाइ र द्विपक्षीय सम्बन्धको स्थिर विकासका लागि सँगै काम गर्ने तत्परता समेत देखाएको छ ।
यसअघि भारतका प्रधानमन्त्री नरेन्द्र मोदीले पनि रास्वपा सभापति रवि लामिछाने र वरिष्ठ नेता बालेन्द्र शाह (बालेन) सँग टेलिफोन वार्ता गर्दै उनीहरूलाई निर्वाचनमा प्राप्त सफलताका लागि बधाई दिएका थिए । प्रधानमन्त्री मोदीले रास्वपाको चुनावी सफलतालाई उल्लेख गर्दै उक्त विजयलाई महत्वपूर्ण उपलब्धि बताएका छन्।
साथै, उनले वार्ताका क्रममा लामिछाने र शाहलाई आगामी सरकार गठनका लागि शुभकामना व्यक्त गरेका छन्। प्रधानमन्त्री मोदीले भारत सरकार नेपालको नयाँ नेतृत्वसँग सहकार्य गर्दै दुवै देशको समृद्धि, प्रगति र जनताको हितका लागि काम गर्न प्रतिबद्ध रहेको पनि बताएका छन्। यस्तै, उनले नेपालसँगको ऐतिहासिक, सांस्कृतिक तथा कूटनीतिक सम्बन्धलाई थप मजबुत बनाउँदै अघि बढ्ने भारतको चाहना रहेको पनि व्यक्त गरेका छन्। मोदीलाई रवि र बालेनले
नै सामाजिक संजालमार्फत सहकार्यको सन्देशसहित बधाइ र शुभकामनाका लागि धन्यवाद ब्यक्त गरेका थिए । दुई तिहाइ नजिकको बहुमत हासिल गरेको राष्ट्रिय स्वतन्त्र पार्टी (रास्वपा) ले नयाँ सरकार गठनको औपचारिक प्रक्रिया चैत ५ गतेपछि मात्र सुरु गर्ने भएको छ । गत फागुन २१ गते सम्पन्न प्रतिनिधि सभा निर्वाचनमा झन्डै दुई तिहाइ बहुममत प्राप्त गरेपछि एकल सरकार गठनको आन्तरिक गृहकार्यमा पार्टीका शीर्ष नेताहरू लागिरहेका छन् ।
यद्यपि समानुपातिक सांसदहरूले प्रमाणपत्र लिन बाँकी नै रहेकाले औपचारिक रूपमा सरकार गठनको गृहकार्यमा लाग्न नमिलेको रास्वपाका नेताहरूको भनाइ छ । ‘निर्वाचन आयोगले भर्खर समानुपातिक सांसद टुङ्गो लगाएको छ । निर्वाचन आयोगले चुनाव सम्बन्धी सबै विषय टुङ्ग्याएपछि सरकार गठनको प्रक्रिया अगाडि बढाउँछौँ,’ रास्वपाका महामन्त्री कविन्द्र बुर्लाकोटीले भने, ‘संसद् बैठक बस्नुअघि हामीले निर्वाचित सांसदहरूलाई सदमा प्रभावकारी भूमिका निर्वाह गर्नेबारे दुई दिने अभिमूखीकरण कार्यक्रम राखेका छौँ । त्यसपछि बल्ल सरकार गठन प्रक्रिया अगाडि बढ्छ ।’
निर्वाचन आयोगले चुनावको अन्तिम रिपोर्ट बुझाएपछि केन्द्रीय समिति बैठक बसेर रास्वपाले संसदीय दलको नेता पनि टुङ्गो लगाउने छ। निर्वाचन आयोगले समानुपातिक निर्वाचन प्रणालीतर्फ निर्वाचित ११० सांसदलाई चैत ५ गते बिहीबार निर्वाचित भएको प्रमाणपत्र प्रदान गर्ने कार्यक्रम राखेको छ ।
समानुपातिक सांसदलाई प्रमाणपत्र दिएलगत्तै आयोगले निर्वाचन प्रतिवेदन राष्ट्रपतिलाई बुझाउने छ । संसदीय दलको नेता प्रधानमन्त्री हुने व्यवस्था अनुसार रास्वपाले वरिष्ठ नेता शाहलाई प्रधानमन्त्री बनाउन पहिला संसदीय दलको नेता चयन गर्नुपर्ने हुन्छ ।
त्यसका लागि रास्वपाले आफ्नो पार्टीको विधानमा समेत केही फेरबदल गर्ने तयारी गरेको रास्वपा प्रवक्ता मनिष झाको भनाइ छ । झाले बालेनलाई दलको नेता बनाउनेमा कुनै शंका नगर्न पनि आग्रह गरेका छन् । रास्वपाका नेताहरूका अनुसार चैत दोस्रो साताभित्र वरिष्ठ नेता बालेन्द्र शाह (बालेन) को नेतृत्वमा नयाँ सरकार गठन गर्नेगरी आन्तरिक गृहकार्य भइरहेको छ ।
सभापति रवि लामिछाने, वरिष्ठ नेता शाह, उपसभापति डा. स्वर्णीम वाग्ले र डीपी अर्यालबिच भावी सरकार कस्तो बनाउने, कस्ता व्यक्तिलाई मन्त्री बनाउने, सरकार बनेलगत्तै के कस्ता काम सुरु गर्ने लगायतका विषयमा छलफल हुँदै आएको छ ।
बालेन निकट रास्वपा नेता भुपदेव शाहले नेताहरू नयाँ सरकार गठनको आन्तरिक गृहकार्यमै रहेकाले को व्यक्ति मन्त्री हुने, कुन मन्त्रालयको जिम्मा कसलाई दिने, क–कसलाई समेट्ने भन्नेजस्ता विषयको कुनै निक्र्योल भइनसकेको बताएका छन् ।
रास्वपा नेताहरूका अनुसार चुनावमा झन्डै दुई तिहाइ मत पाएको रास्वपाको नेतृत्वमा बन्ने सरकारले जनताका अपेक्षालाई सम्बोधन गर्नेगरी काम गर्नसक्ने नेताहरूलाई मन्त्रीमण्डलमा समावेश गरिनेछ ।
