काठमाडाैं- डा. धवलशमशेर राणाले ‘जय नेपाल पार्टी’ दर्ताका लागि निर्वाचन आयोगमा निवेदन दिएका छन्। यसअघि दुर्गा प्रसाईसँग मिलेर पार्टी खोल्ने तयारी भए पनि राणाले एक्लै गएर पार्टी दर्ताका लागि निवेदन दिएका हुन्।
राणाले त्रिभुज चुनाव चिह्न प्रस्ताव गर्दै ७९ सदस्यीय केन्द्रीय समिति रहने गरी दल दर्ताको निवेदन दिएका छन्।
यसअघि प्रसाई र राणाबीच मिलेर पार्टी गठन गर्ने सहमति भए पनि अन्तिम समयमा उनीहरूबीच कुरा नमिलेको प्रसाइले नै सार्वजनिक रूपमा बताइ सकेका छन् । राणा यसअघि नै राप्रपाबाट अलग भएर नयाँ दल गठनको तयारीमा थिए।
