काठमाडौं । रसुवा–भोटेकोशी बाढीपछि सम्पर्कविहीन भएका व्यक्तिहरूको तथ्यांक यकिन गर्न ७५ वटै जिल्लाका प्रमुख जिल्ला अधिकारी, सुरक्षा समितिका सदस्य तथा जिल्ला आपतकालीन कार्यसञ्चालन केन्द्रका कर्मचारीसँग भर्चुअल छलफल गरिएको छ।
प्राधिकरणका सहसचिव बलराम निरौलाको अध्यक्षतामा भएको छलफलमा सम्पर्कविहीनहरूको विवरणमा देखिएको दोहोरोपन हटाउने विषयमा छलफल भएको हो। प्रभावित रसुवा र नुवाकोटसहित सम्बन्धित जिल्लामा आफन्तले एउटै व्यक्तिको नाम टिपाएकाले केही नाम दोहोरिएको पाइएको छ। यस्तो दोहोरो विवरण सम्बन्धित जिल्ला प्रशासन कार्यालयले रुजु गरी यकिन गरेर ‘सेतु एप’मा प्रविष्ट गर्ने सहमति भएको छ।
