१० कार्तिक , काठमाण्डौ ।
नेपाल प्रिमियर लिग (एनपीएल) माचितवन राइनोजद्वारा विराटनगर किङ्सलाई ८ रनले पराजित गर्दै प्रतियोगितामा गर्याे विजयी सुरुवात ।
कीर्तिपुरस्थित त्रिवि क्रिकेट मैदानमा चितवनले दिएको १५८ रनको लक्ष्य पछ्याएको विराटनगर १९.३ ओभरमा १४९ रनमा अलआउट ।
विराटनगरका लागि इमरान शेखले सर्वाधिक ३९ रन बनाउदा आन्द्रे रसेलले आक्रामक ब्याटिङ गर्दै १७ बलमा ४ छक्का र १ चौकासहित ३३ रन जोडे भने लोकेश बमले २६ तथा बसिर अहमदले १३ रन बनाएपनि टोलीलाई जित दिलाउन सकेनन् ।
चितवनको जितमा कमल सिंह ऐरी नायक बने। उनले चार विकेट लिए।
रिजन ढकालले दुई विकेट लिँदा टम टेलर, डान मोस्ली, मौसम ढकाल र रन्जित कुमारले एक–एक विकेट हात पारे ।
त्यसअघि टस हारेर पहिले ब्याटिङ गरेको चितवनले निर्धारित २० ओभरमा तीन विकेट गुमाएर १५७ रन बनाएको थियो।
उसका लागि इंग्ल्यान्डका डेविड मलानले ५० बलमा पाँच चौका र पाँच छक्कासहित ७० रनको उत्कृष्ट इनिङ्स खेले ।
रवि बोपाराले ३२ तथा डान मोस्लीले अविजित २९ रन बनाए।
विराटनगरका एन्जेलो, आन्द्रे रसेल र चरिथ असलंकाले एक–एक विकेट लिए।
एनपीएलमा आजको दोस्रो खेलमा कर्णाली र जनकपुर भिड्दै ।
