२ मंसिर, काठमाण्डौ ।
अमेरिकी राष्ट्रपति डोनाल्ड ट्रम्प आफ्नो एसिया भ्रमणको पहिलो चरणअन्तर्गत मंगलबार फिलिपिन्सको राजधानी मनिला पुगे ।
उनको भ्रमण चीनमा चिनियाँ राष्ट्रपति सी चिनफिङ र रुसी राष्ट्रपति भ्लादिमिर पुटिनसँग हुने उच्चस्तरीय भेटवार्तापछि टुंगिने कार्यक्रम ।

मनिलास्थित भिल्लामोर एयर बेसमा ‘एयर फोर्स वन’ बाट ओर्लिएका ट्रम्पलाई रातो कार्पेट बिछ्याएर स्वागत गरिएको थियो।
स्वागतका क्रममा सैन्य ब्यान्डले उनको मनपर्ने गीत ‘वाईएमसीए’ बजाएको थियो।
आसियान सम्मेलनका क्रममा ट्रम्पले क्वाड साझेदार राष्ट्रका नेताहरूसँग पहिलो बैठक गरे ।
बैठकमा भारतीय प्रधानमन्त्री नरेन्द्र मोदी, जापानी प्रधानमन्त्री सानाए ताकाइची र अस्ट्रेलियाका प्रधानमन्त्री एन्थोनी अल्बानिज सहभागी ।
बैठकमा ट्रम्पले स्वतन्त्र, खुला, स्थिर र समृद्ध इन्डो–प्यासिफिक क्षेत्र निर्माणका लागि चारवटै देशले सहकार्य गरिरहेको बताए ।
दक्षिणपूर्वी एसियामा चीनको प्रभाव घटाउँदै अमेरिकी प्रविधि तथा कृत्रिम बौद्धिकता (एआई) क्षेत्रमा सहकार्य विस्तार गर्ने विषयमा पनि ट्रम्पको प्राथमिकता ।
मनिलामा एक रात बिताएपछि उनी चीनको सेन्जेन जाने । त्यहाँ चिनियाँ राष्ट्रपति सी र रुसी राष्ट्रपति पुटिनसँग आणविक विषयमा वार्ता गर्ने तयारी ।
पुटिनसँग छुट्टै भेटवार्ता गर्ने सम्भावनाबारे ट्रम्पले अवसर मिले आफू तयार रहेको बताए ।



