विराटनगर, कार्तिक १८
जवरजस्ती करणी गरेको आरोपमा प्रहरीले सुनसरी र झापाबाट शनिबार दुई जनालाई नियन्त्रणमा लिएको छ ।
सुनसरीको ईटहरी उप–महानगरपालिका–५ मा बालिकालाई जबरजस्ती करणी गरेको आरोपमा सोही स्थान बस्ने बर्ष १८ को भवानी आचार्य लाई पक्राउ गरिएको छ ।
सोही स्थान बस्ने ६ वर्षीया बालिकालाई घरमा बोलाएर मोबाईल देखाई ललाई पकाई बलात्कार गरेको भनी बालिकाका आफन्तले दिएको उजुरीका आधारमा उनलाई पक्राउ गरिएको प्रहरीले जनाएको छ । पक्राउ परेका आचार्यलाई इलाका प्रहरी कार्यालय ईटहरीमा राखि थप अनुसन्धान भईरहेको छ ।
त्यस्तै झापाको शिवसताक्षी नगरपालिका–९ स्थित बिरान भन्ने ठाउँमा बालिकालाई करणी गरेको आरोपमा सोही ठाउँ बस्ने १७ वर्षीय बालकलाई प्रहरीले पक्राउ गरेको छ ।उनले सोही स्थानकी १० बर्षीया बालिकालाई घरमा कोही नभएको मौका छोपी ललाई फकाई, डर त्रास देखाई जवरजस्ती करणी गरेको आरोपमा पक्राउ गरिएको हो ।
इलाका प्रहरी कार्यालय झिलझिलेबाट खटिएको प्रहरी टोलीले बालिकालाई उद्धार गरी मेडिकल चेकजाँचको लागि मेची अंचल अस्पताल पठाईएको जनाईएको छ भने घटनामा संलग्न बालकलाई प्रहरीको नियन्त्रणमा राखि थप अनुसन्धान भईरहेको उक्त कार्यालयले जनाएको छ ।
