झापा, मंसिर २६
झापाको मेचीनगर नगरपालिका–४ बाहुनडाँगीमा मंगलबार जंगली हात्ती गाउँमा पस्दा अन्दाजी १ लाख मूल्य बराबरको क्षति भएको छ ।
राती १२ बजे जंगलबाट निस्किएको हात्तीले सोही स्थान बस्ने पबित्रा प्रधानको टिनले छाएको १ तले घरको कोठा भत्काएर २ मन धान र १ बोरा चामल खाएर नष्ट गरेको छ ।
उक्त हात्तीलाई प्रहरी र स्थानीयवासीले राती नै जंगल तिर लखेटेको प्रहरी चौकी बाहुनडाँगीले जनाएको छ ।
