किशोर विश्वकर्मा
विराटनगर, पुस १९
विराटनगरमा पहिलो पल्ट अन्तर विद्यालय टि–२० मेयर कप क्रिकेट प्रतियोगिता हुने भएको छ । विराटनगर–५ स्थित दिल्ली पब्लिक स्कुलको खेलमैदानमा विराट क्रिकेट सोसाइटीको आयोजनामा आगामी पुष २९ गतेदेखी अन्तर विद्यालय टि–२० मेयरकप क्रिकेट प्रतियोगिता हुने भएको हो ।
प्रतियोगितामा विराटनगरका १६ विद्यालयको सहभागिता रहने कार्यक्रम संयोजक मनोज मण्डलले बताए । आगामी माघ ७ गते सम्म सञ्चालन हुने प्रतियोगिताका विजेता र उपविजेताले ट्रफि र प्रमाणपत्र प्राप्त गर्नेछन् ।
यसै वर्षदेखी सुरु हुने उक्त प्रतियोगिता अब हरेक वर्ष सञ्चालन हुने आयोजक क्लबका संयोजक मण्डलले जानकारी दिए ।
