काठमाडौं, फागुन १६
ताप्लेजुङमा हेलिकप्टर दुर्घटनामा परी निधन भएका पर्यटनमन्त्री रवीन्द्र अधिकारीसहित सात शवको पोस्टमार्टम नसकिएपछि बिहीबार टुँडिखेलमा हुने भनिएको श्रद्धाञ्जली कार्यक्रम सरेको छ।
पोस्टमार्टम नसकिएपछि अहिले तीन बजेपछि हुने भनिएको श्रद्धाञ्जली कार्यक्रम शुक्रबार बिहान आठ बजेका लागि सरेको हो। पोस्टमार्टमका लागि समय लाग्ने जानकारी आएपछि श्रद्धाञ्जली कार्यक्रम सरेको नेकपा पार्टी कार्यालय सचिव कृष्णगोपाल श्रेष्ठले जानकारी दिए ।
पोस्टमार्टमका क्रममा दुई शवको पहिचान भएको र अन्य पहिचान हुन नसकेपछि शुक्रबार बिहान ८ बजेसम्मका लागि श्रञ्द्धाञ्जली कार्यक्रम स्थगीत भएको हो। सरकारले बुधबार ताप्लेजुङमा हेलिकोप्टर दुर्घटना हुँदा निधन भएका पर्यटनमन्त्री रवीन्द्र अधिकारीसहित सातै शव श्रद्धाञ्जलीका लागि टुँडिखेलमा तयारी पूरा गरेको थियो।
श्रद्धाञ्जली कार्यक्रममा राष्ट्रपति विद्यादेवी भण्डारी, प्रधानमन्त्री केपी शर्मा ओलीलगायत उच्चपदस्थ व्यक्तित्व, राजनीतिक दलका नेता पुग्ने तयारी थियो भने ।ताप्लेजुङमा दुर्घटना भएको एअर डाइनेस्टीको हेलिकप्टरमा संस्कृति, पर्यटन तथा नागरिक उड्डयनमन्त्री अधिकारी, यति एअरलाइन्सका प्रवन्ध निर्देशक तथा स्थापित पर्यटन उद्यमी आङछिरिङ शेर्पा, नेपाल नागरिक उड्डयन प्राधिकरणका उपमहानिर्देशक वीरेन्द्रप्रसाद श्रेष्ठ, नेपाल नागरिक उड्डयन प्राधिकरणका निर्देशक ध्रुवदास भोछिभया, प्रधानमन्त्रीे कार्यालयका उपसचिव युवराज दाहाल, हेलिकप्टरका चालक प्रभाकर केसी र मन्त्रीका अंगरक्षक नेपाली सेनाका जमदार अर्जुन घिमिरे सवार थिए।
