काठमाडौं, चैत २९
मलद्वारमा लुकाएर ल्याउँदै गरेको करिब साढे तीन किलो सुनसहित तीन जना चिनियाँ नागरिक त्रिभुवन विमानस्थलबाट पक्राउ परेका छन् । त्रिभुवन विमानस्थल प्रहरी र भन्सार कार्यालयको टोलीले बिहीबार राति मलद्वारमा लुकाएर ल्याउँदै गरेको सुनसहित उनीहरुलाइ पक्राउ गरेको हो ।
चीनको कुनिमङबाट चाइना इस्टर्न एयरलाइन्समार्फत बिहीबार अपरान्ह साढे ३ बजे काठमाडौं उत्रेका उनीहरुलाई त्रिभुवन विमानस्थलमा भन्सार र प्रहरीलेचेकजाँच गर्दा उक्त परिमाणको सुन सहित पक्राउ गरेको हो ।
सुरक्षा गेटबाट बाहिरिँदा शरीरमा धातु भएको संकेत देखिएपछि केएमसी अस्पतालमा अस्पतालको लगेर एक्सरेमा गर्दा पेट मुनि मलद्वारमा सुन रहेको पत्ता लागेको थियो ।
उनीहरुको राहदानीमा उल्लेखित विवरण अनुसार पक्राउ पर्नेहरुमा फुजियानका झ्यांग जिआंग, गान्सुका माओ इन्गुआ र गान्सुकै माओ फुमिंग रहेका छन् । यसबारे विस्तृत अनुसन्धान भइरहेको प्रहरीले जनाएको छ ।