रबीन्द्र बराल
रंगेली, बैशाख ९
मोरङको रंगेली नगरपालिका ७ मा रहेको कृषि विकास बैंकले ऋणीहरुलाई ऋण दिन एक महिना भन्दा बढी समय लगाउने गरेको पाईएको छ । रंगेली नगरपालिका ७ घर भएका बासुदेव मण्डलले बिगत ५ बर्षदेखि कृषि विकास बंैकमा बैकिङ कारोवार गर्दे आएता पनि पछिल्लो समयमा भने उनले ऋण पाउन सकेका छैनन् ।
उनले प्रत्येक महिनामा ब्याज रकम समेत बुझाउदै आएको बताउँदै बैकले आफुलाई एक महिना देखि ऋण लिन जाँदा समेत हप्काउने गरेको बताए ।
उनले रंगेली ७ स्थित तित्रिटोलमा रहेको १४ घुर जग्गाको लालपुर्जा ,ब्यवसायको प्रमाणपत्र ,नागरिकता लगायतका कागजी प्रक्रिया पूरा गरे पनि कृषि विकास बैकले एक महिना भन्दा बढी समय पुग्दापनि ऋण दिन नमानेको दुखेसो पोखे ।
उनले कार्यालयमा दिएको निवेदनपछि बारम्बार कार्यालय प्रमुख शम्भु साहलाई हारगुहार गरेता पनि आफुलाई आज भोली भन्दै अहिलेसम्म ऋण नदिएको बताए । कृषि विकास बैकको नियम अनुसार भने कुनै पनि ऋणीले सम्पूर्ण कागजातसहित आवेदन दिएको साता दिन भित्रमा ऋण दिने गरेको कार्यालय प्रमुख शम्भु साहले बताए ।
स्रोतका अनुसार कृषि विकास बैंकमा ऋण लिने कृषक वा ब्यापारीले ऋण लिए बापत १० प्रतिशत रकम नबुझाए सम्म ऋण दिन धेरै समय लगाउने गरेको र महिनौ दिन पर्खाउने गरेको छ ।
यता कार्यालय प्रमुख साहल कृषक,व्यापारी तथा अन्य ऋणहरु बिचौलियाको माध्यमबाट आउने गरेको हुनाले सो बिषयमा आफु लाई केही थाहा नभएको बताए ।
उनले कार्यालयबाट ऋण मिलाईदिन्छु भन्ने ३ देखि ४ जना बिचौलिया रहेको स्वीकार गरे । उद्यपी उनीहरुलाई कार्यलयमा प्रवेशमा उनीहरुलाई बन्देज लगाइएको दावी गरे । कृषि विकास बैक रंगेलीले यस आर्थिक बर्षमा ४ करोड बराबरको लगानी गरेको छ । बैकले व्यापारी,कृषि,घर निर्माण,व्यक्तिगत र घरायसी प्रयोजनका लागि ऋण समेत दिदै आएको छ ।
नेपाल सरकारले शैक्षिक प्रमाणपत्रको आधारमा युवाहरुलाई सहुलियत ऋण उपलब्ध गराउने निर्णय गरेपनि यस क्षेत्रका युवाहरुले यो सुविधा उठाउन नसकेको गुनासो गरेका छन् ।
