विराटनगरको उत्तरी प्रवेशद्वार नजिकै सोमबार बिहान भेटिएको शंकास्पद बस्तु बम नभएको मोरङ प्रहरीले जनाएको छ । विराटनगरको पहडगछमा रहेको प्रवेशद्वार नजिकै सडकको उत्तरपूर्व बिजुलीको पोलमुनि झोलामा भेटिएको शंकास्पद बस्तुमा बम नभेटिएको प्रहरीले जनाएको छ ।
शंकास्पद बूतु देखिएपछि घटनास्थलमा पुगेको थलहास्थित सुर्यदल गणको नेपाली सेनाको टोलीले शंकास्पद बस्तुलाई डिस्पोज कुकर मात्र भेटिएको जिल्ला प्रहरी कार्यालय मोरंगका प्रवक्ता घनश्याम श्रेष्ठले जानकारी दिए । बुढीगंगा गांउपालिका १ टंकीसिनवारीमा पर्ने सो ठांउमा शंकास्पद बस्तु देखेपछि बिहान मर्निङ वाकमा निस्किएका ब्यक्तिहरुले प्रहरीलाई खबर गरेका थिए । शंकास्पद बस्तुको देखिएपछि सो स्थानमा उल्लेख्य संख्यामा सुरक्षाकर्मी परिचालन गरिएको थियो ।
