दुहबी : सुनसरीको गढी गाउँपालिकामा एक महिलाले न्याय नपाएको भन्दै आफन्त र स्थानीयबासीले गाउँपालिका कार्यालय घेराउ गरेका छन् ।
गढी गाउँपालिकाको न्यायिक समितीमा पाँच पटकसम्म छलफल गर्न भन्दै भुलाईएको गुनासो गर्दै उनीहरुले गाउँपालिका परिसरमा प्रदर्शन गर्नुका साथै दुहबी– इनरुवा सडकखण्ड एक घण्टा ठप्प पारेका थिए ।
सप्तरीको कन्चनरुप नगरपालिका– १० बदगम्माकी २२ वर्षीया सिन्की यादवले गढी गाउँपालिका– ६ का विरेन्द्र खड्गा यादवले बिहे भएको अढाई वर्षदेखि नै घरेृलु हिँसा गर्दै आएको भन्दै तीन महिनाअघि गाउँपालिकाको न्यायिक समितीमा उजुरी दिएकी थिइन् ।
उजुरी दिएको महिनौसम्म न्याय नपाएकाले आफन्त तथा स्थानीयबासीको सहयोगमा न्यायका लागि प्रदर्शन गर्न बाध्य भएको सिन्कीले बताइन् । , यो समाचार आजको उद्घोष दैनिकमा छापिएको छ ।
