१२ असार, काठमाडौँ ।
चलचित्र ‘म यस्तो गीत गाउँछु’ को दोस्रो शृङ्खला बन्ने भएको छ । ‘म यस्तो गीत गाउँछु’ चलचित्रको दोस्रो शृङ्खलाको स्क्रिप्टमा काम भइरहेको निर्देशक तथा निर्माता सुदर्शन थापाले जानकारी दिए । उनले बिहीबार बिहान फेसबुकमा ‘म यस्तो गीत गाउँछु २’ बन्ने जानकारी दिएका हुन् ।
पल शाह र पूजा शर्माको मुख्य भूमिका रहेको चलचित्र ‘म यस्तो गीत गाउँछुु’ को प्रदर्शन लगत्तै निर्माण पक्षले दोस्रो शृङ्खलाको निर्माणको घोषणा गरेका थिऐ ।
यति बेला निर्देशक सुदर्शन थापा चलचित्र ‘सम्हालिन्छ कहिले मन’को पोस्ट प्रोडक्सनमा व्यस्त छन् । पहिलो भागमा रुचाईएका पूजा र पलको जोडिलाई दोस्रो भागमा पनि देख्न पाइन्छ कि पाइँदैन त्यो चासोको विषय बनेको छ ।
