विराटनगर : विराटनगर महानगरपालिकाले जनप्रतिनिधिहरुलाई पोशाकको लागि प्रत्येक सदस्यलाई १० हजार रुपैँया बजेट दिने भएको छ ।
प्रशासनिक खर्च वृद्धि गरेको आरोप खेपिरहेको महानगरले चौथो नगरसभाबाट निर्णय गर्दै जनप्रतिनिधिहरुलाई पोशाकका लागि प्रतिव्यक्ति दश हजार रुपैँया दिने निर्णय गरेको हो ।
प्रशासनिक खर्च बढाउने क्रममा महानगरले जनप्रतिनिधिको मोवाइल खर्च भन्दै मासिक १ हजार ५ सय रुपैँया दिने निर्णय पनि गरेको छ । सो भत्तामा इन्धन खर्च समेत उल्लेख गरिएको छ ।
१९ वटा वडा रहेको विराटनगर महानगरपालिकामा सय जना जनप्रतिनिधि छन् ।, यो समाचार आजको उद्घोष दैनिकमा छापिएको छ ।
