७ साउन, काठमाडौँ ।
सत्तारुढ दल नेपाल कम्युनिष्ट पार्टी (नेकपा)का अध्यक्ष पुष्पकमल दाहालले पार्टी र सरकार भित्र देखा परेका कमीकमजोरीलाई सच्याउँदै जानुपर्ने आवश्यक्ता आंैल्याएका छन् । अध्यक्ष दाहालले नेपाल कम्युनिष्ट पार्टीका संस्थापक महासचिव पुष्पलाल श्रेष्ठले देखेको सपना पूरा गर्न पनि पार्टी र सरकार भित्र देखा परेका कमीकमजोरीलाई सच्याउँदै अघि बढनुको विकल्प नरहेको स्पष्ट पारे ।
४१ औं पुष्पलाल स्मृति दिवसको अवसर पारेर मंगलबार काठमाडौंको चम्पादेवीस्थित पुष्पलाल स्मृति पार्कमा आयोजित एक कार्यक्रममा बोल्दै उनले पार्टीलाई सुदृढ बनाएर विरोधीहरुको षडयन्त्रलाई परास्त गर्न पनि नेता, कार्यकर्तालाई आफू भित्रको कमीकमजोरीलाई सच्याएर अघि बढन आग्रह गरे । अध्यक्ष दाहालले प्रतिक्रियावादीहरुले पार्टी एकता हुन नदिन आफूलाई प्रधानमन्त्री पदको समेत अफर गरेको तर त्यसलाई सफल हुन नदिएको उल्लेख गर्दै अब पार्टीलाई सुदृढ हुन नदिने षडयन्त्रलाई पनि परास्त गरेर अघि बढन जरुरी रहेको बताए ।
अध्यक्ष दाहालले पार्टी एकताको बाँकि सबै काम साउन महिना भित्र सम्पन्न गरेर जनतासँगको सम्बन्धलाई सुदृढ बनाउने गरी पार्टीले राष्ट्रिय अभियाननै संचालन गर्ने पनि दोहो¥याएका छन् । कार्यक्रममा बोल्दै वरिष्ठ नेता माधवकुमार नेपाल र नेता झलनाथ खनालले पनि जनताको अपेक्षा अनुसार सरकारले काम गर्नुपर्नेमा जोड दिएका थिए । पुष्पलाल स्मृति प्रतिष्ठानका अध्यक्ष समेत रहनु भएका वरिष्ठ नेता नेपालले जनताको अपेक्षा अनुसार सरकारको काम, कार्वाहीलाई पार्टीले प्रभावकारी ढंगले अघि बढाउने प्रतिवद्धता पनि व्यक्त गरे । कार्यक्रममा पुष्पलाल श्रेष्ठको शालिकमा अध्यक्ष दाहाल, वरिष्ठ नेता नेपाल, नेता खनालसहितले माध्याअर्पण पनि गरेका थिए ।
