२१ साउन, काठमाडौँ ।
अत्यधिक रुचाइएका एक्सन स्टार बिराज भट्ट र २०१७ की ‘मिस नेपाल वल्र्ड’ निकिता चान्डक अभिनीत चलचित्र ‘साङ्लो’कार्तिक १५ मा रिलिज हुने भएको छ । विराज र निकिताको केमेस्ट्री एक्सन लभस्टोरी ‘साङ्लो’ प्रतीक्षित चलचित्र हो ।
छायाङ्कन सम्पन्न गरेर यति बेला पोस्ट प्रोडक्सनको काम भइरहेको चलचित्रले छठपर्वको अवसर पारेर रिलिज मिति तय गरेको हो । विराजकै निर्माण तथा निर्देशनमा बनेको यस चलचित्रमा प्रकाश शाह, कामेश्वर चौरसिया, अमित गिरी, रमेश सोडारी, जयनन्द लामा, आरपी पन्त, भरत शाह, दुर्गा सुवेदीको पनि अभिनय रहेको छ ।
बिराज भटट् फिल्म प्रोडक्सन प्रालीको ब्यानरमा निर्माण बहेको ‘साङ्ग्लो’मा शिवम अधिकारीले पटकथा संवाद,सुरेश अधिकारी, राजनराज सिवाकोटी र विनोद खम्बुले सङ्गीत रहेको छ। चलचित्रको छायांकन सुदूरपश्चिमका विभिन्न ठाउँमा गरिएको छ ।
