५ भदौ, एजेन्सी ।
प्रधानमन्त्री केपी शर्मा ओली स्वास्थ्य परीक्षणका लागि आज पुनः सिङ्गापुर जाँदै छन् । उनी दिउँसो साढे एक बजेर थाइ एयरको विमान मार्फत सिंगापुर प्रस्थान गर्ने छन् ।
प्रधानमन्त्री निवास बालुवाटारमा मंगलबार बसेको प्रमुख चार राजनीतिक दलको बैठकमा प्रधानमन्त्री ओलीले आफ्नो स्वास्थ्य अवस्थाका बारेमा जानकारी गराउँदै आफू स्वास्थ्य परीक्षणका लागि सिङ्गापुर जान लागेको बताएका थिए ।
चिकित्सकको सुझाव अनुसार स्वास्थ्य परीक्षणका लागि प्रधानमन्त्री सिङ्गापुर जान लागेको जनाइएको छ । यसअघि प्रधानमन्त्री ओली साउन १८ गते सिङ्गापुरस्थित नेशनल युनिर्भसिटी अस्पतालमा स्वास्थ्य परीक्षण गराउन गएकाथिए ।
प्रधानमन्त्री ओली स्वदेश फर्किएको ११ औँ दिनमा फेरि सिंगापुर जान लागेका हुन् ।
