११ असोज, धनगढी । बैतडीको पाटन नगरपालिका–६ लार्खा भन्ने स्थानमा शनिबार बिहान साढे तीन बजे बस दुर्घटना हुँदा २० जना घाइते भएका छन् ।
घाइते मध्य १४ जना बैतडीकै पाटन अस्पतालमा उपचारपछि घर फर्केका छन् भने ६ जनालाई डडेल्धुरा अस्पताल रेफर गरिएको जिल्ला प्रहरी कार्यालय बैतडीका प्रवक्ता प्रहरी निरीक्षक किसन चन्दले बताए ।
बैतडीमा एक्सरे मेसिन नहुँदा उपचारमा समस्या भएपछि घाइतेको थप उपचारका लागि डडेलधुरा रेफर गरिएको प्रवक्ता चन्दले बताए ।
उनका अनुसार शुक्रबार महेन्द्रनगरबाट बैतडीको मेलौलीका लागि छुटेको ना ४ ख ४०१९ नम्बरको महाकाली यातायातको बस अनियन्त्रित भएर सडकबाट कम्तिमा १० मिटर तल खेसेको थियो ।
