८ कार्तिक, विराटनगर । पछिल्लो समय अस्थिर रहेको सुन चाँदीको भाउ शुक्रबार केही रुपैयाँले वृद्धि भएको छ ।
तोलामा ६ सय रुपैयाँ बढेर सुन शुक्रबार प्रतितोलाको ७१ हजार पुगेको नेपाल सुनचाँदी व्यवसायी महासंघले जनाएको छ ।
गएको बिहीबार र बुधबार तोलाको ७० हजार चार सय रुपैयाँमा कारोबार भएको सुनको भाउ बढेको हो । यस्तै चाँदी शुक्रबार तोलामा १० रुपैयाँ बढेर तोलाको ८ सय ६० रुपैयाँ पुगेको छ । गएको शुक्रबारदेखि नै तोलाको ८ सय ५० रुपैयाँमा कारोबार भएको चाँदीको भाउ एक हप्तापछि बढेको हो ।
