२७ कात्तिक, उदयपुर ।
उदयपुरको कटारी नगरपालिका–११ को गोठडाँडा जंगलमा शिकार खेल्न गएका १ जनाको भरुवा बन्दुकले लागेर मृत्यु भएको छ ।
मंगलबार दिउँसो ३ बजेको समयमा कटारी नगरपालिका–११ का ४९ बर्षीय शंकर राउत, ४५ बर्षीय अमृत बहादुर राउत र ३८ बर्षीय चक्र बहादुर बस्नेतजंगलमा शिकार खेल्न गएकोमा शिकार खेल्ने क्रममा अमृत बहादुर राउतले पड्काएको भरुवा बन्दुकले शंकर राउतलाई लाग्दा निजको घटनास्थलमा नै मृत्यु भएको हो ।
घटनाको जानकारी पाए लगत्तै ईलाका प्रहरी कार्यालय कटारीबाट खटिएको प्रहरी टोलीले मृतकको कानूनी प्रकृया पुरा गरी शव परीक्षणको लागि कटारी अस्पताल पठाएको र घटनामा संग्लग्न मध्ये चक्र बहादुर बस्नेतलाई नियन्त्रणमा लिएको छ ।
घटनामा संलग्न अमृत बहादुर राउत फरार रहेकोले खोजतलास भईरहेको तथा अन्य थप अनुसन्धान भईरहेको उक्त कार्यालयले जनाएको छ ।
