३० कात्तिक, विराटनगर ।
शुक्रबार करेन्ट लाग्दा मोरङ र सुनसरीमा गरी दुई जना बालकको मृत्यु भएको छ ।
मोरङ सुन्दरहरैचा नगरपालिका ५ सुनौली चोकका विकास मगरका ८ वर्षीय छोरा रोहन मगरको करेन्ट लागेर मृत्यु भएको छ । रोहनलाई नजिकैको बुढी खोलामा करेन्ट लागएर माछा मार्ने क्रममा करेन्ट लागेको थियो ।
शुक्रबार दिउँसो ३ बजे करेन्ट लागेर घाईते भएका उनलाई उपचारको लागि अस्पताल लैजाने क्रममा बाटैमा मृत्यु भएको प्रहरीले जनाएको छ ।
यस्तै सुनसरीको बर्जु गाउँपालिका ३ अमडुवा दुुर्गा टोलमा रंजित रायका ९ वर्षीय छोरा आचल रायलाई शुक्रबार राती सुकाएको कपडा झिक्ने क्रममा करेन्ट लागेको थियो ।
नाङ्गो तारमा छुन पुगेका उनी करेन्ट लागेर बेहोस भएपछि उपचारको लागि ल्याउँदै गर्दा बाटै मृत्यु भएको छ । दुबै घटनाका विषयमा प्रहरीले अनुसन्धान सुरु गरेको प्रदेश प्रहरी कार्यालय विराटनगरले जनाएको छ ।
